Ganesh Chaturthi 2025 - Pooja Vidhi, Muhurat, Vrat aur Mahatva

Ganesh Chaturthi Bharat ke sabse bade aur pavitra tyoharon me se ek hai. Har saal bhakton ke liye ye utsav bahut shraddha aur utsah ke sath manaya jata hai. Is din Ganpati Bappa ka swagat ghar aur pandalon me kiya jata hai. Log inki murti sthapit karke 10 din tak bhakti bhav se puja karte hain.

Aaiye is blog me detail me samjhate hain ki Ganesh Chaturthi kab hai, kaise manayi jati hai, kya hai iska mahatva aur vrat me kya khaya jata hai.

Ganesh Chaturthi 2025 kab Hai?

• Is saal Ganesh Chaturthi 26 or 27 august 2025,  ko manayi jayegi.
  
  
• Ganpati sthapna ke liye subah 11:00 baje se 1:40 baje tak ka samay sabse shubh hai.
  
  
• Ganesh ji ki pooja hamesha madhyahna kaal me karna shubh mana jata hai kyuki is samay ko "Ganesh ji ka samay" kaha jata hai.
  
  

Ganpati Bappa Morya! Ganesh Chaturthi 2025 Celebration Sthapna and Pooja

Ganpati Sthapna Vidhi (Step by Step)


Ganesh ji ko sthapit karne ke liye kuch steps follow karne chahiye:

1. Ghar ki safai or pooja sthal ka shuddhikaran - Pooja ke liye ghar ka ek taraf kona chunna chahiye. Nort-East ya drwaing room ka shubh kona sabse accha hota hai.
   
   
2. Pooja Chowki taiyar karein - Ek chowki par laal/peela kapda bichakar Ganesh ji ki murti sthapit karein.
   
   
3. Kalash sthapna - Kalash ko chowki ke ek taraf rakhna chahiye.
   
   
4. Sankalp - Ganesh ji ke samne apna naam le kar pooja ka sankalp karein.
   
   
5. Ganesh ji ki sthapna - Murti - Murti sthapit karke unhe panchamrit (doodh,dahi,ghee,shahad, aur cheeni) se snan karayen. Phir kapda pehnakar phool, aur modak chadhayein.
   
   
6. Aarti aur Mantra - 
   
   "Om Gan Ganpataye Namah" mantra ka Jaap karein.
   
   Ganesh aarti gaayein aur deepak jalayein. 

Ganesh Chaturthi Vrat aur Falahar

Jo log is din vrat rakhte hain, unhe falahar karna hota hai. Kuch special vrat recipes jo is din banayi ja sakti hain:

• Sabudana Khichdi - vrat ka sabse popular aur tasty khana.
• Sabudana Vada - crunchy aur light snacks vrat ke liye perfect.

Ganesh Chaturthi Ka Mahatva

• Ganesh ji ko Vighnaharta kaha jata hai, jo jeevan ke sabhi badhaon ko door karte hain.
• Is din Ganesh ji ki pooja karne se ghar me Khushiya aati hain aur safalta aati hai. Ganesh ji apne bhakton par krapa karte hain.
• Ganesh Chaturthi ek aisa festival hai jo sirf dharmik hi nahi balki parivar ko jodne wala samajik tyohar bhi hai.
  
  

Ganesh Visarjan

Ganesh ji ki sthapna ke baad 3 din, 5 din, 7 din ya 10 din tak unki pooja ki jaati hai. 10ve din Anant Chaturdashi ko bade utsah se Ganpati ji ka visarjan kiya jata hai. Is din "Ganpati Bappa Morya, Agle baras tu jaldi aa" ke naare lagakar Ganesh ji ko vidai di jati hai.

Ganesh Chaturthi Blog Conclusion 

Aap chahe ghar par sthapna karein ya mandir jakar darshan lein, sabse zaruri hai shraddha aur pyaar. Aap sabhi ko Ganesh Chaturthi ki hardik shubhkamnayein. 

• "Aap apni Ganesh Chaturthi ki planning comments me zarur share karein."
  
  
• Agar ye blog pasand aaya ho to apne doston ke sath share karein."